何輝

1987年他加入香港海峰足球俱樂部成為職業足球員，其後曾效力伊波路及星島，期間曾入選香港代表隊。

曾經入選香港學界乒乓球代表隊。

1989年於張開達測量師行任職研究員至1994年，其後先後加入韋堅遜測量師行及梁振英測量師行（現稱戴德良行）為物業估價員。因此他對於場上的大局、細節分析到位而精闢，客觀而理性，更敢於批評，口齒伶俐，甚少廢話，其主持風格深受華南地區的球迷所喜愛。而他與最佳搭檔江忠德時不時的無厘頭式幽默，更是為廣大球迷所熟知，更有支持者搜集了他們的經典語錄放在網路上流傳。

1998年加入位於新加坡的ESPN衛視體育頻道。

2004年離開ESPN，到廣東體育繼續講波佬生涯。同時，喜歡賽車的他，與張海寧搭檔，擔任F1方程式賽車直播主持。

2014年11月兼任樂視英超足球評述員。

在其足球職業生涯中，何輝曾在香港先後效力海峰、依波路及星島等甲組隊伍。但您不可不知道的是，他還曾代表香港青年乒乓球隊出賽。談起當初短暫的乒乓歷程，何輝笑著說：“當時由於學校改建，幾乎所有踢球的人都轉向乒乓球，有時暑假練乒乓球的時間比踢球還多。”

退出體育生涯之後，何輝走進了足球的另一個領域。1998年加入ESPN，現於廣東體育頻道擔任主持。作為足球評論員，何輝被更多人認識，他也以其獨特的見解與精細的分析廣受球迷愛戴。何輝是一個極富體育細胞的人，用他的話來說，嘴巴上的功夫遠不夠他四肢發達。何輝4歲開始接觸足球，啟蒙老師就是兩個哥哥。由於兩個哥哥的年紀比何輝大了六七歲，踢球時自然要比何輝厲害很多，沒想到這個弟弟卻有一股不服輸的性格，“從小我就有一種挑戰大人的勇氣，與兩個哥哥一起在街邊踢球，儘管總是輸給他們，但卻堅定了我非要超過他們的信心。”何輝由此愛上了足球。

在7歲報讀小學時，答應收何輝的學校有兩間，母親讓何輝自己選擇。何輝二話沒說，一下就選中聖類斯學校。母親問何輝選擇的理由，何輝簡單而明了地說了一句：“這家學校有足球場。”就因為有一塊很好的足球場，何輝在這間學校從小學一年級讀到預科畢業。而除了上課外，午餐、小休，甚至就幾分鐘的時間，何輝都花在了足球場上。直到中六時，他每年都被選進香港學界代表隊參加亞洲青年賽，何輝在香港球壇已經小有名氣。有趣的是，當年香港教學司處居然發了一公函給聖類斯學校，說為了能讓何輝更好地練球，希望學校特殊照顧何輝———可以“遲到三堂課、早退三堂課”。

1、法國對俄羅斯：丁偉傑：不過呢個波呢，入到就系英雄，入唔到呢就系狗熊。何輝：或者系豬紅。

2、阿仙奴對飛燕諾：何輝：講起飛機恐懼症，我拍檔丁偉傑隔離嗰個我都有呢個問題！丁偉傑：但系番香港都要搭飛機個噃，搭船要好耐！何輝：要成五日呀，我問過啦！丁偉傑：如果冇咗拍擋檔五日都唔知點算啰！（各位friend聽唔聽得出啲弦外之音啊？）

3、紐卡素對車路士：紐卡素門將阿基雲雙手迎接對方球員冼頓嘅射門時甩手，皮球從基雲嘅大細門下流過——俗稱“痾蛋”！何輝：一痾，黃金之蛋！

4、江忠德：嘩！如來神掌呀！何輝：如來神掌第幾式呀？江忠德：雙龍雙掌啩！何輝：如來神掌有雙龍雙掌嘎咩？？？？

5、江忠德：咦，碧咸頂白色帽又幾靚噃！何輝：可能襯番對白Boot呢！？江忠德：好彩佢對Boot唔系綠色啫！何輝：咁都俾你諗倒啊！

6、碧咸第一次著上印有佢仔仔個名慨Boot比賽，當俾對方球員踩甩一隻鞋時…… 何輝：如果對鞋改印上佢老婆個名，會唔會緊啲呢？系綁得緊啲呀。（-!-）

7、江忠德望一望何輝對鞋，然後對何輝講：“你對鞋都幾靚喎！又黃又綠，好彩你唔系做醫生啫。”何輝：即系咩吖？我唔系好明喎？！江忠德：又黃又綠喎！何輝聽完仲系一頭冒水。（何輝詐藕？！）

8、何輝：大家睇返呢個波啦，系朗尼庄臣上嚟梳靚個頭入波嘎。（慢鏡重播后……）何輝：睇清楚原來系朗尼庄臣上前嚟梳靚個頭睇住對方後衛擺烏龍慨！

9、布力般流浪對保頓：何輝：下半場就背城借一，但而家就首先貝治（布力般後衛）送一先喔。（啲文採好到佢吖）

10、加拉塔沙雷對利物浦：（1）加拉塔沙雷有個後防球員叫維多利亞…… 江忠德：維多利亞呢個名真系又順口又好聽嘎啫。何輝：唔知碧咸對住佢會點呢？江忠德：我諗唔會嗒糖啩。

11、加拉塔沙雷對利物浦：（2）當何輝介紹加拉塔沙雷慨後備球員時，有一名球員名稱譯音叫舒謹…… 江忠德：個名咁搞笑慨，叫“輸緊”喎！（哈！哈！哈！）何輝：又未輸得曬喎！江忠德：但系輸緊吖嘛！何輝：不過佢哋隊中又冇個叫“輸硬”喎。

12、曼聯對農特：當巴夫斯跑到禁區外與對方球員爭頂完波后，卻發現皮球唔見咗…… 江忠德：巴夫斯又喺度搵波喇。何輝：望下上面高處又冇，又唔喺自己左右，原來喺後面。何輝：如果攞個波Dup落巴夫斯個頭度，唔知佢搵唔搵到呢？江忠德：試下啰。何輝：我諗一定搵唔到啫。

13、李斯特城對曼聯慨比賽：江忠德：睇完呢場波之後9點55分又有一場直播，大家可以抖下，飲澹茶先。9點55分再嚟睇。何輝：夜飲茶會瞓唔著個喎。江忠德：就系想瞓唔著，今晚大把波睇，唔駛瞓喇！（何輝好無奈，俾江忠德吹len漲。）

14、列斯聯對查爾頓：何輝：馬田一祿，查爾頓就金銀滿屋！（咔咔咔）

15、米度士堡對利物浦：何輝：恩斯再攞多兩張黃牌慨話就要停賽喇。不過恩斯停賽都唔休冇嘢做，得閑可以去扮下Tiger Woods呀！

16、打吡郡對紐卡素：（1）江忠德：傳個波出嚟，唉！佢完全唔知道，跑到過曬濃添，真系有早知就冇乞衣啰！~~~

17、打吡郡對紐卡素：（2）當紐卡素慨球員一腳將皮球射高並出曬界時…… 何輝：呢雲真系抽高氣爽啰！（抵死到佢吖）

18、打吡郡對紐卡素：（3）江忠德：拉雲拿利咁都塌Q，有點兒老貓燒須喔。何輝：系老狐燒須。

19、韋斯咸對曼聯：當比賽進行到下半場後半段，場上比分為2：4，韋斯咸落後兩球，此時有部分球迷已經開始離場。突然……韋斯咸在右路中斷曼聯嘅傳球，隨即策動快速反擊，3：4！丁偉傑：頭先嗰班球迷，快啲叫佢番轉頭。可能佢哋聽到啲聲音，即刻跑番轉頭睇下發生咩事先。何輝：可能要趕住番屋企收衫呢. 丁偉傑：落咗咁耐，乜都濕曬啦。何輝：佢哋忍咗好耐嘎啦。

20、曼聯對利物浦（01/02第一回合）：布朗同巴夫斯兩人喺自家門前慨誤會，兩人撞埋一齊，俾奧雲喺門前執雞。何輝：“真系冤鬼呀！”~~~~

21、車路士對曼聯：裁判判俾曼聯界外球，蘇拿有啲意見。何輝現場配音：蘇拿喺度口噏噏咁話‘我？我？我？真系我？！冇掂過喔！’

22、車路士對曼聯：丁偉傑：曼聯贏波，車路士有個球員就覺得好無癮，但費Sir就覺得好過癮。講緊慨就系保斯尼治。

23、利華古遜對曼聨：（1）托比慕拿行出後備席慨框框大聲鬧自己班球員，裁判走過嚟警告佢。何輝配音：你就唔可以出嚟，你要番入去。嗱，唔好走出呢個框框吖，如果唔系趕你出場咖！丁偉傑：你有你講，佢有佢鬧。仲喺度繼續鬧緊喔。

24、利華古遜對曼聨：（2）臨完場時曼聨全隊壓上，科蘭一個遠射俾利華古遜一名球員護空門救出。何輝：睇下邊個咁犀利喇，佢真系一世仔啦！35號慨球員帕拉辛迪呀！

25、巴斯隆拿對加拉塔沙雷：江忠德：陣中有位球員個名叫“尼古力斯古”，咁如果讀快啲呢？黃興桂：變咗做“嚦咕嚦咕”。（其實Peter都幾搞嘎）

21、阿仙奴對葉士域治：（1）何輝：駛唔駛俾牌呢？江忠德：睇嚟好似唔駛噃。如果要俾何輝你俾啰！何輝：冇牌喎？！江忠德：成件黃衫喺你身上面喎！

22、阿仙奴對葉士域治：（2）江忠德：睇唔睇到吖？兩隻手趾？……定一隻手趾？……定五隻手趾吖？…… 何輝：梗系五隻啦！

23、歐聨決賽（皇家馬德里對利華古遜）：（1）突然有一名蘇格蘭球迷著著一件由皇馬主客場隊服剪成慨黑白相間慨球衣，下面著著一條蘇格蘭裙，頭頂戴著一頂帽，沖咗落場。一名警察立即走過去拉佢出場，但該名球迷唔願走，雙方你拉我扯。然後羅拔圖卡路斯亦走埋去扯住個警察件衫。何輝：卡路斯話，唔好咁激動，斯文啲斯文啲！丁偉傑：我嚟睇波咋，我中立架。

24、歐聨決賽（皇家馬德里對利華古遜）：（2）一名球迷光著上身走落球場…… 丁偉傑：上身就裸，唔知下身又點呢？

26、零二年韓日世界盃（西班牙對韓國）：（1）何輝：（文迪達）以前喺華倫西亞嗰陣就打曬慨，去到拉素之後就坐曬。

27、零二年韓日世界盃（西班牙對韓國）：（2）何輝：（安貞煥）十二碼射唔入，廿二碼射唔入，三十二碼又唔入。唔通要兩碼先入？

28、零二年韓日世界盃（西班牙對韓國）：（3）何輝：祖基其實喺皇家貝迪斯都系咁慨現象，你唔好俾佢踢得順，佢一踢得順，呢個球員系點禁都禁佢唔住……你話順唔順吖？咁樣過法喎，我唔系好順啦而家，真系！

29、零二年韓日世界盃（西班牙對韓國）：（4）何輝：球證有啲幫幫地西班牙喎。陳維聰：佢好鍾意睇西班牙聨賽嘎。何輝：我都鍾意睇，但個波韓國個喎。

30、零二年韓日世界盃（西班牙對韓國）：（5）何輝：當然要睇下希丁克點搞喇，我打唔到電話俾佢。曾志偉：冇佢電話吖？何輝：冇吖！哈！哈！哈！

31、阿仙奴對伯名翰：（1）何輝：韋臣（伯名翰嘅門將）總算好嘢。啖定，有錢剩！

32、阿仙奴對伯名翰：（2）何輝：可能件衫靚吖，斯文死都唔落地，系咁用只手富下富下。

33、阿仙奴對伯名翰：（3）何輝：佢真系好鬼抵死嘎啫，系咁眼利利咁利住球證。唔好阻鬼住曬我Cup波先得嘎！

34、阿仙奴對伯名翰：（4）何輝：告魯斯（伯名翰嘅教練）又企咗出嚟喇。睇真啲告魯斯又幾似柯林頓喎。

35、阿士東維拉對利物浦：江忠德：又系梅菲，又食波餅喇！食波餅食到飽啦，陣間唔駛食飯啦。黃興桂：應該系等陣間唔駛去買疍糕啦！

36、曼聨對西布朗：（1）江忠德：新聞多多慨堅尼，勉強出，當然系冇幸福啦！

37、曼聨對西布朗：（2）何輝：今屆球隊（曼聨）又新啦，波衫又新啦，甚至乎碧咸個髮型都新，睇下有冇新戲象喇。

38、曼聨對西布朗：（3）江忠德：有越位喎！何輝：有冇呢？你轉做球證，你睇下有冇喇！江忠德：我就話有喇！何輝：你話有就有啦！其實個波斬出嚟慨時候冇越位個噃。

39、曼聨對西布朗：（4）何輝：冇著西裝個喎！江忠德：得唔得呢？何輝：得！梗系得啦！

40、曼聨對西布朗：（5）何輝：科拿入過波未呢？江忠德：聽講喺友誼賽上入咗5粒喎！算唔算呢？何輝：應該唔算個喎。友誼賽唔系正式比賽喎。江忠德：都算慨，友誼賽，都系賽嚟嘎嘛！何輝：唔得啫！因為呢啲比賽唔隸屬於任何慨總會喎！

41、曼聨對西布朗：（6）江忠德：你估下要換邊個呢？（1分鐘過後……）江忠德：開估啦！開估啦！何輝：會唔會系畢特呢？江忠德：錯！！原來系華朗！何輝：好吖好吖！換得好吖！

42、曼聨對西布朗：（7）當曼聨1：0領先時，曼聨慨球員在不思進取。何輝：有好多數十萬百萬億萬慨球迷想曼聨再入多粒波個喎！江忠德：你系唔系呢？何輝：我冇講過喎！你估有冇人想西布朗入番粒波呢？江忠德：有咁慨本事都冇所謂慨。

43、車路士對曼聨：全場補時階段，Fowlan凖備上場。丁偉傑：亞費sir話：仲有分幾鍾慨時間，變下法術俾我睇！

44、西布朗對列斯聨：（1）何輝：（修咸頓慨教練）呢個動作都幾核突嘎！嗌嗰陣就“lue”舊香口膠出嚟，嗌完又塞番入去。江忠德：有唔妥咩？何輝：見人見志啦

45、西布朗對列斯聨：（2）何輝：雖然俾韋斯咸攞番1分啦，但好多球迷都好激氣嘎！江忠德：你激唔激氣吖？何輝：小小啦。

46、西布朗對列斯聨：（3）前邉唔記得講咗乜…… 江忠德：要拋售球員喎！何輝：拋去邊吖？拋落海呀？

47、伯名翰對列斯聨：（1）丁偉傑：由於佢暈暈地，球證唔需要佢行出場外。何輝：佢行得個喎，點解要留喺度呢，佢又唔系龍門。

48、伯名翰對列斯聨：（2）丁偉傑：入咗波之後睇下有冇下文喇。何輝：當然唔系講緊利物浦嗰個夏文啦。

49、伯名翰對列斯聨：（3）何輝：柯林頓又走出嚟做咩呢？丁偉傑：其實何輝你講緊伯名翰慨領隊告魯斯。

50、伯名翰對列斯聨：（4）夏迪企喺角球點前凖備開角球，用手擺好個球時…… 何輝：嗱~~擺靚啲先，靚啲添。夠靚喇~~

51、伯名翰對列斯聨：（5）丁偉傑：嗱~~你信唔信吖？又有觀眾話你兩個講波佬好衰，由頭彈到落尾，不過真系有嗰句講嗰句啰。

52、伯名翰對列斯聨：（6）丁偉傑：保耶有冇犯規呀？何輝：有吖。DUN行個馬，系咁撞埋去。（保耶撞埋去，何輝好肉緊咁講）死啦你！！

53、伯名翰對列斯聨：（7）丁偉傑：告魯斯帶領伯名翰贏得英超第一場比賽。何輝：仲要贏強隊喎！丁偉傑：但列斯上一場輸過俾辛德蘭喎。何輝：哎呀~~咁就冇咁興香。

54、辛德蘭對曼聨：麥卡迪亞侵犯堅尼，因而惹起二人糾紛……麥卡迪亞向堅尼做出一個寫字慨手勢，諷刺堅尼慨自傳內慨內容。丁偉傑：麥卡迪亞話“寫我啦！寫我啦！寫書寫我啦！”

55、保頓對維拉：（1）何輝：只吉祥物話唔系嗰度呀！請你行番后啲先DUM。只吉祥物當然系保頓嘎啦。

56、保頓對維拉：（2）丁偉傑：如果要怪維拉放走咗舒米高呢，都可以理解慨。其實呢個安格文都唔錯慨。（正當贊緊呢位門將時，即刻將龍門球踢咗出橫邉界外）何輝：哎呀~~！丁偉傑：一巴聲落嚟，雖然冇乜交情，都唔駛咁吖，贊完就將個波踢咗出界。

57、保頓對維拉：（3）何輝：嘩！好得人驚呀！查爾頓條褲都爛埋，要害位置喎！

58、保頓對維拉：（4）丁偉傑：一級方程式咪有入bit入幾耐慨。唔知第日有冇計時聨針聨幾耐呢？何輝：可能會耐啲喎。仲要計埋喺場外定場內聨。

59、列斯聨對曼聨：（1）何輝：令米斯好似元寶咁跌咗落地。

60、列斯聨對曼聨：（2）丁偉傑：夏迪同蘇斯赫查扼番手想走。球證話你咪走住，我有張牛肉乾送俾你食慨。一人一張。

61、車路士對紐卡素：何輝：迪西李好似鬼咁，一有對車路士不利慨吹罰就冤鬼住個球證。

62、熱刺對韋斯咸：（1）江忠德：佢會唔會就住怕祖高爾受傷呢！會唔會怕祖高爾破相，冇咁靚仔呢？~~因為上一場縫咗三針吖！~~ 何輝：會唔會唔靚仔入唔到國家隊嘎？江忠德：要問下艾力臣先知啦！

63、熱刺對韋斯咸：（2）江忠德：直情好似孭重飛咁啦！何輝：咩叫做“孭重飛”吖？江忠德：即系孭重擔啰！

64、熱刺對韋斯咸：（3）江忠德：熱刺個老細諗攞出兩億出嚟，開辦足球學校，股票又上市。總之嚟緊熱刺大把好嘢啦！何輝：以前發行過一次嘎嘛？江忠德：再嚟多次呀！錢唔怕多嘎嘛？何輝：但系啲股價唔系好高咋嘛。

65、熱刺對韋斯咸：（4）江忠德：近鏡望落去膝頭哥附近有個窿，都幾核突下嘎！何輝：球員身上面都有好多巴痕嘎嘛！江忠德：呢啲系戰績嚟嘎嘛，系咪吖？

66、熱刺對韋斯咸：（5）何輝：喺現代足球，禁區入面經常有互打吖，互攬吖，冇互鍚慨！~~

67、列斯聨對阿仙奴：（1）丁偉傑：又見到雲拿保斯喇。何 輝：其實佢唱歌都幾叻嘎。佢唱過一首歌，喺倫敦街頭，好多人陪住佢一齊唱，都幾正嘎！丁偉傑：怕且而家都唔唱得出啦啩。何 輝：而家系阿仙奴啲球迷唱緊歌。

68、列斯聨對阿仙奴：（2）何輝：身份證都唔駛“樣”，想點過就點過。

69、列斯聨對阿仙奴：（3）丁偉傑：雲拿保斯都有去睇阿仙奴對PSV嗰場波嘎，練完波坐飛機去荷蘭，睇完波又飛番去同班波訓練，領隊嚟講佢經已做到足嘎啦。何輝：啲航空公司多得曬你喇！

70、列斯聨對阿仙奴：（4）丁偉傑：阿仙奴裡面有好多好年輕慨球員。何輝：睇下有冇啲連身份證都未攞慨先~~ 丁偉傑：82年，83年，85年…… 何輝：85年就真系未攞身份證喇！丁偉傑：兒童身份證啰！

71、列斯聨對阿仙奴：（5）丁偉傑：簡奴射到4比1！何輝：大家埋嚟啦，開Party啦！

72、利華古遜對曼聨：江忠德：映梗月亮喎！何輝：中秋過咗啰喎~~ 江忠德：有啲黃黃地咁慨！（指月亮）何輝：你話梗佢塊面啊？（指托比慕拿）江忠德：唔系！系黑黑哋！

73、羅馬對皇家馬德里：卡福俾皇家馬德里幾名球員耍得團團轉。何輝：卡福話，喂！好啰喎！~~唔好玩得咁過份喎！假假地我都啱啱捧完世界盃呀！

74、皇家貝迪斯對巴斯隆拿：（1）江忠德：阿××對住祖昆里都未必拍得住吖！何輝：拍得住咁慢吖？

75、皇家貝迪斯對巴斯隆拿：（2）何輝：江湖救急都要有鬆動先得嘎！

76、查爾頓對曼聨：（1）江忠德：人工最高嗰個唔一定穩定個噃。何輝：咦？！咁對面嗰個7號咪好危險？（講緊碧咸）

77、查爾頓對曼聨：（2）何輝：好似打高爾夫球咁。江忠德：呢排熱潮嚟嘎嘛！韋達杯喎。好多人睇完足球就睇高爾夫球，睇完高爾夫球又睇足球。

78、查爾頓對曼聨：（3）江忠德：科蘭！~~恨喺聨賽第一個入波恨到流曬口水咁滯嘎啦！何輝：就嚟要帶番條口水堅上場打波咁滯嘎啦！

79、查爾頓對曼聨：（4）何輝：曼聨仲繫上科蘭喎…… 江忠德：硬系用個“仲”字個喎。“仲系……”“仲系……”不過都好啦。唔系話對方又打多個防守球員，嗰陣時仲閉！

80、查爾頓對曼聨：（5）江忠德：現場啲氣氛好激喎！~~好得意喎！~~ 何輝：好正喎！啲舞步。費SIR出去跳番part就好喇。

81、查爾頓對曼聨：（6）江忠德：（科蘭）今場波有冇射過門吖？何輝：好似就冇喇。江忠德：咁就慘情啲。作為一個前鋒嚟講，打咗五十幾分鐘都冇射過門。

82、查爾頓對曼聨：（7）何輝：點都冇以前雙煞咁有默契。江忠德：要睇佢哋咪睇布力般啰！何輝：傷咗喎！~~ 江忠德：咁仲殺唔殺到人呢？何輝：殺雙煞啰！系雙煞傷！

83、查爾頓對曼聨：（8）江忠德：陣間12點幾仲有場英超。陣間3點半嗰場仲犀利。大家唔好瞓住吖！抖一抖，食個包再嚟個。何 輝：駛唔駛刷牙先呢？江忠德：唔駛刷住。睇完波5點幾食埋個早啲慨早餐再刷牙瞓覺都未遲。何 輝：你不宜睇埋聽晚嗰場先刷！江忠德：咁又唔得，口臭嘎！！

84、祖雲達斯對紐卡素：（1）何輝：迪比亞路好似跳水咁跳起。

85、祖雲達斯對紐卡素：（2）何輝：紐卡素睇嚟都凶多吉少嘎啦！江忠德：都唔系咁慨，或者有奇迹出現呢。睇下後面剩番嗰三場比賽點啦。何輝：我仲以為你話有奇迹出現系講跟住落嚟嗰幾分鐘添！

86、祖雲達斯對紐卡素：（3）何輝：大家而家聽到慨歌聲同平時喺英超上聽到慨歌聲好唔同，當然來自祖雲達斯慨球迷啦。江忠德：聽唔聽得出唱咩文呀？何輝：咁就留番你聽下喇！江忠德：歌聲系美妙慨，來自祖雲達斯慨球迷。

87、拜仁慕尼黑對AC米蘭：何輝：裁判同羅拔高華做咗一個好正確慨動作。“喂，你要個波先得嘎！你咁樣更硬更開個人，更開咗雷哥斯達唔得個喎！”江忠德：你講咗成10秒咁滯啰喎，人哋好似冇講咁長個喎！

88、紐卡素對西布朗：黃興桂：10個黃綠衫慨球員番曬去后場。江忠德：今場唔系黃綠醫生喇，系黃綠球員！

89、修咸頓對曼城：丁偉傑：喂~~你嗰陣做前鋒呢，最佳紀錄入幾多球呢？何 輝：我好少咋喎~~一球起兩球止咋喎~~

90、修咸頓對富咸：（1）江忠德：真系要開番個論壇等你同啲球證討論下呢個問題啦。何輝：我驚佢哋唔鍾意討論喎。

9、修咸頓對富咸：（2）何輝：而家太陽收咗，風又大咗。江忠德：你話收太陽，太陽公公話唔收吖！出番嚟俾你睇下！何輝：即系我意思系話西斜多咗。

91、修咸頓對富咸：（3）江忠德：好似你話齋，高馬，你在哪裡呢？何輝：個人就夠高喇，但都唔知頂乜慨！江忠德：高馬吖嘛。可能頂馬，唔系頂人嘎！

92、修咸頓對富咸：（4）江忠德：都話咗覆線嘎啦，就系俾我講中咗喎！何輝：中覆吖！

93、修咸頓對富咸：（5）江忠德：人哋主場吖嘛，客氣啲嘛！何輝：離遠啲，系咪吖？

94、修咸頓對富咸：（6）江忠德：佢哋（富咸）唔掂就會開會，好似周中輸波之後又開會。何輝：唔知啲會去邊度開慨呢？唔通喺酒店開？江忠德：酒店？！不過而家時世唔好喎，富咸仲凖備起新球場添，要節省開支吖！可能就喺更衣室開咋！

95、拉科魯尼亞對拜仁慕尼黑：（1）江忠德：（拜仁慕尼黑）好似發窮惡咁吖，搶錢咁搶。“冇錢吖！俾唔俾呀？”

96、拉科魯尼亞對拜仁慕尼黑：（2）江忠德：雨勢好似幾密下喎。何輝：真系屋漏偏逢連夜雨喇……拜仁慕尼黑！江忠德：人哋屋企嚟個喎。何輝：都系漏喎。

97、拉科魯尼亞對拜仁慕尼黑：（3）何輝：（拜仁）又未死得曬喎！江忠德：剩番半條命，睇下喺剩番十幾分鐘拾唔拾得番條命番嚟。

98、拉科魯尼亞對拜仁慕尼黑：（4）江忠德：呢下將拜送上死刑台喇！何輝：死咗啦，砍埋頭添啦！

99、熱刺對車路士：（1）何輝：隔住條楚河呀！右邊車路士，左邊熱刺。

100、熱刺對車路士：（2）江忠德：睇下你所講慨基拔圖斯華可唔可以幫隊波扭轉虐勢呀！何輝：最緊要唔好幫對方擺烏龍就得喇！

101、熱刺對車路士：（3）何輝：大眼仔暁仕。而家隻眼好似冇咁大咁慨？江忠德：點解呢？何輝：唔知呢！

102、拉科魯尼亞對皇馬馬德里：何輝：文拿比斯代替費高打右中場。離遠睇又幾似費高喎！丁偉傑：應該系費高同卡蘭卡慨溷合體。

103、曼聨對修咸頓：丁偉傑：自己嘅人踩番落自己整嘅陷阱度。何輝：講咗好多次，奧脫福呢個球場慨場邊都有條夯。不過曼聨啲球員都已經習慣曬嘎啦。底線都仲好吖，起碼有啲廣告牌擋住下，球員好似玩SIR滑梯咁。旁邊兩邊有條石屎夯渠，線落去都幾傷嘎！丁偉傑：真系好似“飛哥跌落夯渠”喇！

104、曼城對曼聨：（1）丁偉傑：嘩！呢個葛達真系犀利喇！喺百慕達又系國腳，仲有間足球學校添。而家喺曼聨慨後防又攻入兩波，啲小朋友仲唔即刻去攞學入紙！何輝：咁就唔系叫葛達啦，叫發達啦！

105、曼城對曼聨：（2）丁偉傑：大家都知道我慨拍檔講波如鍾意著兩隊是但一件慨球衣。我唔講住，大家估下佢今晚又著邉件球衣？你今季到而家“草”咗幾多件吖？何輝：講埋呢個攻勢先。

106、曼城對曼聨：（3）全場結束后…… 何輝：而家可以話俾大家知啦。其實我系著住曼城件衫，仲有孫繼海簽名添噶！

107、阿積士對國際米蘭：（1）何輝：高高其實喺義大利都好多緋聞，呢個同佢咁型仔有關慨。 …… 江忠德：你講慨靚仔高高吖！

108、阿積士對國際米蘭：（2）何輝：利物浦落後緊巴素利0比2，巴素里慨兩個前鋒各入109、阿積士對國際米蘭：一球。閉傢伙個“閉”！

110、阿積士對國際米蘭：（3）江忠德：睇嚟利物浦唔止凍過水呀，直情凍過冰水添吖！

111、阿積士對國際米蘭：（4）江忠德：呢度突然之間拜神咁吖，馬特拉斯望一望先。痛唔痛吖？好痛吖？何輝：好似撞咗邪咁吖！

112、阿仙奴對熱刺：（1）江忠德：呢個沙賓，你話佢系瑞典又得，埃及又得，芬蘭又得，總之就你想點叫都得！何輝：咁佢有幾本護照呀？江忠德：咁就真系問佢先知啦！

113、阿仙奴對熱刺：（2）江忠德：嘩！科達好勞氣喎。大叫：加油！堅持！硬凈啲~~~~~ 何輝：如果加件德國軍裝就啱曬喇。

114、阿仙奴對熱刺：（3）何輝：講起暈，我諗起一個笑話。我有一次去外地睇波，唔系喺香港喎。有一個球員踢到暈低咗，后尾完場嗰陣竟然問我哋攞錢打的番屋企，仲要系港紙喎！后尾我哋先知佢短暫失憶。江忠德：咁唔知佢（柏金）記唔記得點番屋企，問人借錢呢？何輝：即使系都好簡單啫，英鎊就得啦！

115、阿仙奴對熱刺：（4）江忠德：最近亨利都有NEWS。喺周中對住PSV嗰場比賽時，有人就話見到PSV慨雲邦美向亨利吐痰喎。關於種族歧視呢啲嘢，歐足聨經已話詳細調查。如果查到真系慨話，都要面臨停賽呀。何輝：希望佢真系“垃圾蟲”咁隨地吐痰啦。其實都好難講慨，要睇下系咪真系尃登慨。拎歪面就吐，唔覺意吐咗落人哋個身度。我都試過架，后尾同人講番“say sorry”啰。

116、阿仙奴對熱刺：（5）熱刺落後到三球，鏡頭見到一個熱刺慨小球迷冇曬精神，眼濕濕。江忠德：你睇下個小球迷幾傷心。何輝：定系眼瞓咋啩？

117、利物浦對辛德蘭：（1）江忠德：近鏡……見到梅菲慨靚仔樣左邊面花咗喎！何輝：仲有型啦！江忠德：花面煞星吖？何輝：睇下殺唔殺到辛德蘭喇。

118、利物浦對辛德蘭：（2）江忠德：比祖龍話：“我犯規？！你俾牌我？！”何輝：我都撞親個頭喎！

119、利物浦對辛德蘭：（3）江忠德：捱下捱下差唔多又過44分鐘時間啰喎。何輝：又到終點啰喎。江忠德：上半場啫。

120、熱刺對列斯聨：（1）江忠德：呢件衫（熱刺件波衫）都幾舒服嘎，著起上嚟，系咪吖，何輝？何輝：點解問我呢？江忠德：呢件衫同你嗰件都幾似樣嘎。你話系咪吖？我就話系喇！舒服嘛？何輝：睇埋列斯呢個攻勢先。

121、熱刺對列斯聨：（2）江忠德：羅比堅尼今日特別落力呀，對住自己慨舊東家。何輝：不過而家對住西家。江忠德：西家系小東家。入到波就系好家。

122、熱刺對列斯聨：（3）江忠德：雖然件衫（熱刺嗰件）質地好啫，都唔駛扯得咁大力嘎！何輝：呢件衫的確可以橫扯掂扯都得，最大可以掹到50厘米，不過發現都有一個弱點，就系條領系唔掹得嘎！

123、熱刺對列斯聨：（4）何輝：列斯啲球員好似吊吊下鹽水咁。而家就乾脆好似掹咗支針咁，唔吊啦！死咗算啦！！