阿爸的虱目魚
阿爸的虱目魚
2012年6月23日，第23屆金曲獎頒獎禮在台北小巨蛋舉行。歌曲《阿爸的虱目魚》獲得最佳作詞獎。該歌曲的詞作者為武雄。
武雄
彼一年 寒冷的冬天 寒流來的時 彼一暝
伊對夢中雄雄驚醒
靴管籠落去 襖仔幔落去 欲去海邊巡魚池
伊講 伊的虱目魚 攏無臭土味 真值錢
但是上驚這款天氣
若是小可無注意 今年就免想過年
伊怨嘆 客廳內 歸暗看電視 月初嘟退伍的囝兒
叫伊斗陣去 伊嘛無願意 因為粗重的頭路伊無趣味
伊講 無論虱目魚 世界好滋味 有外甜
嘛是乎人嫌相多幼刺
青春少年時 就愛靠家己
惦庄腳所在賺袂著錢
伊才會 決定愈離開 決定飛上天 去城市
不管序大人按怎好嘴
伊欲賺魚翅 無愛撿魚刺
為著將來賺大錢 只要將來賺大錢
管汰伊 阿爸的虱目魚
彼一年 彼場風台雨 淹過彼條路 彼下晡
伊向天公伯嘆一口氣
不聽別人的阻止 鐵馬騎出去 欲去巡魚池
伊講 伊的虱目魚 真用心來飼 當值錢
偏偏遇到這款天氣
如今水攏加淹去 滿街路四界攏是
伊怨嘆 伊家己 為著虱目魚 連後生攏趕趕出去
只剩一個人 行到水池邊
面前的一切也已經攏無意義
伊講 無論虱目魚 世界好滋味 有外甜
嘛是需要頂面的支持
飼料彼呢貴 又擱歹景氣 漁會的政策攏荒廢
伊看見 水淹彼呢淀 四界攏嘛是 伊的魚
親像是開嘴咧叫伊
叫伊緊放棄 叫伊緊返去 伊講伊有聽見
伊講伊有看見 彼暝的 夢中的虱目魚
聽講 彼暗的電視 攏有報到伊 的名字
無人知最後伊流去叨位
新聞足諷刺 畫面足趣味
有人惦馬路塊撈魚
伊彼個 城市的後生 警察來通知 彼當時
飲茫茫惦路邊甲人相爭
伊講虱目魚 其實攏無刺
人講伊已經醉
伊講伊無騙你
虱目魚 原本是
伊的名字
