上海言話

• 1．上海言話

• 1.1 上海言話餓大體歷史

• 1.2 上海言話餓起源

• 1.3 上海言話餓分類

• 1.3.1 上海言話餓特性

• 1.3.1.1 上海言話餓語音，聲母，韻母，聲調

• 1.4 黃金時期

• 1.4.1 上海餓海派文化

• 1.5 解放以後辰光餓上海言話

• 1.6 改革開放以後餓上海言話

• 1.7 進入廿一世紀

• 2．參見

• 3．外部連接

• 4．註釋

上海言話屬於吳語太湖片個蘇滬嘉小片（也有得另外一種講法，就是上海市區言話應該從蘇滬嘉小片當中獨立出來），也有得人拿上海言話叫“滬語”。言話了相受早期移民中餓蘇州跟寧波兩餓地方餓影響較度。跟蘇州，寧波言話發音相似。

上海郊區方言跟上海市區方言勒黑髮音跟語法上頭有稍許餓勿同，按地區可分為“松江言話”、“崇明言話”、“浦東言話”等方言。打則比方，上海言話中“風較歸度”，勒“浦東言話”中為“風度勒窩”。

上海言話內部分為3種，主要以年齡區別老派、中派和新派。

1.老派：聲母27個，韻母51個，聲調6個（陰平、陰上、陰去、陽去、陰入、陽入）

2.中派：聲母28個（增加[ʑ]），韻母43個，聲調5個（陰平、陰去、陽去、陰入、陽入）

3.新派：聲母28個，韻母32個，聲調5個（陰平、陰去、陽去、陰入、陽入）

跟其他吳方言一樣，上海言話擁有一整套餓濁塞音、不送氣清塞音和送氣清塞音餓對立。另外，還有一套對立餓清擦音跟濁擦音。

中古漢語餓[-m]韻尾和 [-n]鼻韻尾了黑上海言話中合流成鼻化，並最終末了，並且合入了陰聲韻。一些中古漢語餓[-ŋ]韻尾鞋變成了鼻化音。中古漢語餓[-p -t -k] 了黑上海話中已經賊變成了喉塞音[-ʔ]。了黑一些變體里，[u]餓發音實際上是不圓唇餓[ɯ]。

上海言話音調向重音化方向演變，聲調從8則合併成了5則，實際上只剩下來一則降調（陰平）跟一則平升調，變了老變當餓。上海言話語流中餓語音詞讀音已經跟日文餓讀法老相象了。上海話語餓語流中，相對穩定餓音位有兩種，一類是聲母，一類是前字聲調，這兩類為首餓音位對上海話語音正起著重要餓穩定作用。（錢乃榮《上海語言發展史》）

由於外來移民餓大量進入，加上中、新派語音越見受到普通言話餓大量影響，音節及聲調賊變了簡單化了，已經越來越失去吳語餓代表性及特性。所以講上海言話已成為一種“有聲無調”，僅有音高重音餓獨特漢語方言。

解放前頭個30年代真真叫是上海言話個黃金期間。出現了交關吳語文學作品、其中大多數是張愛玲迭個上海本土作家創作出來個。伊個辰光個上海人發明了交關新個漢語辭彙，撥拉普通言話吸收得去了。當時個上海，上海言話是絕對個主流，勿管外地人要學上海言話，就是外國人也勒蓋學。上海個交關大學，也是用上海言話來授課個，像聖約翰大學、同濟醫學院搿鼐。

上海餓文化被叫做“海派文化”。為啥道理呢？因為，伊是了中國江南傳統文化高頭（吳文化）餓基礎上，跟開埠後傳到上海來餓對上海影響交關度餓歐美文化等相融合餓結果。逐步形成，既古老又現代，既傳統又時尚，區別於中國文化，具有開放而又自成一體餓獨特風格。

解放以後，全中國開始推廣普通言話。必過上海人還是歡喜講自家個上海言話，上海人勒勒上海是從來勿講普通言話個。伊個辰光全國實行老嚴格個戶口制度，外地人移民到上海個是邪氣少。葛咾就算政府勒勒強行推廣普通言話，上海言話蹲勒上海還是相當個強勢個。

九十年代浦東開發以後，外地人開始源源不斷個到仔上海來。幫解放前頭個移民潮勿一樣個是，搿趟子個移民是來自全國各地個，是勿會得講吳語個。再加上上海人經過學堂里個教育，儕會得講一口嘮流利個普通言話，葛嘮新個上海人搭仔老個上海人開始用普通言話交流了。辰光一長，勒了上海個交關公共場合就只聽得到普通言話了，上海言話講個人已經越來越少了。而且，政府推廣普通言話個立升是邪氣嚇人。學堂里個老師勿好講上海言話，學生子勒勒課間休息個辰光也勿好講上海言話，電視台個上海言話節目撥拉紛紛取消，交關老優秀個上海言話電視劇也勿撥拉放，廣播台個上海言話節目也撥關脫了，吳語個報刊雜誌就更加嘸沒哉。葛嘮搿能仔一來，上海言話已經到了要受保護個田地了。

進入廿一世紀以來，上海出現了一批本土學者，伊拉對於上海言話個逐漸消亡是邪氣擔心。紛紛提出保護、傳承上海言話個方案幫仔行動。眼門前，上海言話已經撥拉越來越多個上海人所重視了。交關年輕個上海小人又發明了邪氣多個新辭彙，上海言話正勒勒復興個過程當中。上海言話搭仔其他吳語地區個方言個融合也勒拉慢慢交進行。

1. 維基百科—上海話

2. 維基百科（吳語）—上海言話

3.外部連接（大陸用戶無法登入）

4.註釋

1．山坳中的上海話