山景（南）站

山景（南）站系香港輕鐵鐵路車站，代號190，屬於單程車票第2收費區，只有1個月台，得1條輕鐵線經呢個站，為山景南周邊地區居民提供服務。

本站同山景（北）站、友愛站一樣，只系單程行車，凈系去山景（北）站，亦系少數完全融入周邊建築嘅輕鐵車站之一，建於山景社康大樓底層，同車路完全分隔，但路軌同一條行人路相交。列車會停喺月台嘅後半部份（拖卡例外），有兩個原因，第一系列車同月台前半部份嘅空隙，比後半部份大，第二系方便山景邨嘅居民用月台後面嘅樓梯或電梯行上山景邨。